Усепольскае аб'яднанне прафсаюзаў і партыя «Левыя» арганізавалі 1 мая маніфестацыю і мітынг у Варшаве. Удзельнікі мерапрыемства заяўлялі не толькі аб неабходнасці павышэння заробкаў. У Дзень працы прафсаюзы падкрэслілі, што важныя не толькі грошы, але і пачуццё сэнсу ды самарэалізацыі. У першамайскім звароце кіраўнік Усепольскага аб'яднання прафсаюзаў Пётр Астроўскі падкрэсліў, што «праца - гэта не тавар», і нагадаў аб праве на стварэнне прафсаюзаў, без якіх «няма сапраўднай дэмакратыі».
У звароце таксама прысутнічала тэма Еўрасаюза ў сувязі з 20-годдзем з дня ўступлення Польшчы ў еўрасупольнасць. Было падкрэслена, што Еўрасаюз - гэта не толькі эканамічнае супрацоўніцтва, але таксама працоўныя і сацыяльныя пытанні.
Арганізатары маніфестацыі нагадалі, што роля ЕС заключаецца, сярод іншага, у выраўноўванні ўмоў працы ў членскіх дзяржавах.
Гэта адзначыў таксама госць мерапрыемства - еўракамісар па пытаннях занятасці і сацыяльных правоў Нікаля Шміт. «Няма ніякіх прычын, па якіх рабочыя ў Польшчы, Румыніі ці дзе-небудзь яшчэ не маглі б мець тыя ж правы і заработную плату, што і людзі ў іншых краінах ЕС», - сказаў палітык.
Удзельнікі маніфестацыі сустрэліся з прадстаўнікамі ўрада, у прыватнасці, з міністрам працы Польшчы Агнешкай Дземяновіч-Бонк.
вс